中四後感

中二開始就培養左一個習慣..到左一年既last day就會打一篇後感:]
今年依篇早到啦,但係我相信短短一兩日時間唔會改變我對中四生涯既感受!
我諗我會從學習,朋友同老師三方面講下!

首先講下學習,今年成績比上年有明顯既退步!但係都過得去!
amaths唔係自己天份所在,已經到左放棄既地步!考試溫amaths真係溫到傻..
唔係難既問題..係我冇興趣!
你叫緊一個對amaths完全冇興趣既人死溫係咁溫..都唔會高分!
主科表現比上年好,因為我知道自己數理唔夠人fight!努力於主科就可以拉番分!
physics係一科炒過一次但係我都好比心機溫既科目..唔知點解:P
成績其實都係其次..最緊要今年我進步左既係「放過」自己同分配時間:]
我對分數依一回事放鬆左好多..雖然都會為成績有唔開心!
但係我會自己recover..同自己講依兩年既training只係為會考!
校內試當做paper囉:P所以我既壓力冇以前咁大!
亦想讚自己一樣野..1st term exam我係痴線到12點訓覺4點起身溫書個d-,-
但係之後我知道原來精神狀態都好重要..
所以我堅持每一晚都要係我身體重要organs休息之前訓著{即係11點}
身體健康善!精力旺盛善!中五我會重整旗鼓!再拚博過!

朋友方面,今年識到唔少朋友!仲有一班豬朋膠友-,-
如梁粉膠,膠thur,膠輝哥
但係對於成班黎講,總有種immiscible既感覺:[
依班朋友唔係唔好,個個都好nice唔會多搞小圈子..
而且你地都比左一個好好既學習氣氛我!
雖然依班競爭真係大,壓力係其他班唔會感覺到..一分之差!哈!
但係大家上堂都會講下笑,玩既hea既開心既都有:)
無奈ex-3D個種「成班」既感覺的確搵唔番..唔同左就係唔同左!
我都同amyter講過,有時候我地都唔想成日掛住ex-3D係口邊..
我地要去學習面對新既一班,但係愈叫我地去面對,我地就愈掛住:[
真係好希望下年我地班可以留多d美好既回憶..
真係唔希望人地問我form4,5有咩回憶我講唔出..
但係今年,我真係講唔出5D請加油!

老師?oh come on!我覺得好諷刺..form3死捱死讀讀左個4D學位番黎!
今年學校比左咩老師我地班-,-?!?!十萬個憤怒!
首先講下班主任miss cheung,其實佢真係一個好勤力既老師!
平時好夜先走,自己打好多note比我地!但係呢..
小妹唔係好同意妳既教學方法:P重量不重質 = 冇用
我地班d功課真係多到冇人有-_-淨係英文都多過曬!
但係英文我地係咪特別叻?唔係..
比咁多功課我地最後我地只會亂黎hea做..學唔到野!
we are not demanding students!
miss yip我地親愛既中文老師唔錯:)
我中文已經好過上年嫁啦-,-係自己中文差姐!
陳sir我地親愛既maths同amaths老師!你真係好有料!我地都知道你係才子-,-!
但係教唔好我囉!我想要番miss young囉!
phychembio都冇咩特別啦,梁sir要走嚕!唔知mr.luk教成點呢..
yyleung雖然係廢廢地:P但係佢玩得!我會記得你嫁!

總括中四生活一個字「忙」
終於明白點解高form話中四同中六係最忙-_-天丫!
可能係我今年join左好多出面既programme..
仲多左好多面試同workshop!加埋平日係學校又有好多野做..
真係做到有d透不過氣來!
不過全部都係我自己話要參加,請妳唔好埋怨
不過參加咁多野,都係希望我有時間可以學多d野..
因為我覺得自己見識好少,中五中六又忙..當然要爭取時間try more new things!

來年中五啦!我真係未接受到自己係一個中五生!
miss poon form 3教過我地一句,我依家可以講啦!
「I am sitting for 2010 HKCEE!」
anyway,our ultimate goal within these two yrs is HKCEE!
Everyone come on!Strike for excellance!