優生頒獎典禮

第四屆優生選舉終於完滿結束,
幸獲高效戰略團隊獎,總算對自己有個交代!

依次優生選令我諗番好多野,
仲記得我篇傳記既第一段係寫我對優生選有咩特別既意念,
中一既時候被推薦參加第一屆既優生選,最終落敗,連準決賽都入唔到,
當時既我當然冇左件事,已經覺得自己做得好好..
但係到左中二開始接觸miss poon,係佢令我知道自己要提高競爭力!
開始反思自己有咩地方可以做得好d,發現我又唔參加課外活動..
運動亦唔出眾,做義工更加係少之極少!
咁樣既一個學生點樣同其他人競爭呢?
所以我開始去改進自己,盡己所能去全方位發展,
到左依家我參加第四屆,我唔係特別出眾,
但係起碼我做好多義工,學好多野,可以話係百足都冇咁多爪!
運動我都係唔叻,但係我自豪既係,我會郁,願意去做運動!

依次有幸入到準決賽令我大開眼界!
北區到處都係依d學生,後悔自己點解咁後知後覺唔早d學會依個道理!
高中組得到第一名既陳融同學黃寶儀令我好敬佩!
佢同我一組小組討論既,當時我地討論緊醫療制度既問題,
佢又係中四,我都係中四,但係人地講既論點真係好有說服力,
你係完全感受到佢對時事既觸覺唔係一朝一夕嫁!
人地平時有睇開新聞,了解身邊發生緊既事,
並唔係好似我咁,係前一個月惡補!
自愧不如,我真係要好好向寶儀學習!
佢個份勝不驕既品德亦令我印象深刻!

所以,經過依次比賽之後,我會繼續努力做好自己!
短期目標係培養番我對時事既觸覺,同埋參加多d校外既計劃!
最後,多謝jofe既提攜,王sir願意推薦我同miss poon既推薦信!
多謝您地!