我的志願

岩岩執筆想寫「兩週吾寫」,題目係「我的志願」,
如果老師您新年前叫我寫我一定寫到,但係到左依家我都好迷茫,唔識寫

大慨睇緊依篇日記既人可能會問,「soso妳唔係想做醫生嫁咩?!點解仲迷茫既?」
無錯,做一位外科醫生係我中一至今冇改變過既志願,
閒時我會睇下最新既外國醫學研究報告,睇下醫學書籍,或者睇下醫生既手記,
對於我既志願我係充滿住熱誠,唔係一個口輕輕既目標

但係今個新年假我知道左一個消息,要做醫生入讀醫學院有兩個途徑,
第一係會考中拎左6A或者以上,你就「有機會」拔尖,
記住係考6A先「有機會」,唔係考到6A就一定拔硬,
第二就係AL中拎到4A或以上,AL,係AL,你叫我點樣AL拎4A?!
自問小妹冇依個能力去高攀依個要求,
個一刻真係好晴天霹靂,一個維持左4年既志願好似就咁就劃破啦,
實不相瞞,我同香港一位數一數二既著名婦產科醫生李醫生都幾熟,
有幾次同媽媽同佢食過飯,傾過計,
當時我好記得李醫生同媽媽講,「我敢寫包單妳個女一定做到醫生!」
佢仲話,「其實做醫生讀書唔一定要叻,會考我都係得5A,唔夠人地8A9A個d勁,但係第一批比人趕出醫學院既人就係依班自以為事既人,最緊要係勤力同睇得書多!」
當時我好開心,覺得自己繼續努力一定得,
但係依家事實就係反映比我知我係唔得,邊可能?!

媽媽叫我退一步,諗下唔做醫生可以做咩,
社工?!社工要讀I.H.`
藥劑?!藥劑比醫生既要求仲高`
老師?!我唔鍾意教書`
物理治療師?!physics要A`
化驗師?!chem要A`
驗屍官?!我怕死屍`
我一路咁數數數...數番自己諗過做咩職業..
感覺好似計數一樣"rejected",真係覺得自己好一事無成,
唔係衰到貼地,又唔會有一科特別出色過人,真係好失敗!
媽媽叫我諗既職業可唔可以唔咁高層次,對唔住唔得,
我唔可以做一個頹廢既人,第時我仲要養番你地兩老,
我要貢獻社會,我想做個出色既人!!

living without an aim is like sailing without a compass,
依家既感覺,就好似一隻本身行得好穩定既船比人拎走左個指南針,
迷失左方向,係大海入面亂七八糟咁飄浮,
我真係唔知我的志願寫咩好...