你累嗎?

你累嗎?
睇下個鐘`依家已經係11點..
三年前既我已經訓著左`
仲係一個傻傻既中一生!
冇任何思想既掙扎`諗既野亦唔會好似依家咁複雜!
上左中四既生活顯然忙左好多`
今日5點幾先番到屋企就開始溫書..
一直冇用過電腦溫到10:30都仲未溫完..
夜深人靜既時候就連媽媽都訓左..
我就要開電腦做social service team既時數紀錄..forms等等!
你累嗎?
我肉體其實唔係疲憊不堪..心靈反而係`

今日同soso傾計當中有唔少得著`
我既眼界有幾闊?!
強中自有強中手`係我蘇善文仲死讀書既時候..
有一班好有determination做醫生既人已經開始自己讀緊醫..
佢地會睇好多書..上網做research..
我呢?!我忙到氣都透唔到!覺都冇得訓..
邊有時間比我research?!
我怕面對依班人`佢地太強!我玩唔起!
想入hk u讀醫hkcee拎28分你先好同人爭!
我覺得自己唔得..雖然李醫生同我講過..
「我會考只係得5A`並唔係讀書好勁既個班人!8A個班人因為自以為是`第一班比人從醫學院踢左出黎!所以我話妳知做醫生只要睇多d書同勤力!」
勤力我敢話自己勤力..
但係我睇既醫學書不出8本`
我曾經好有決心要自己每一日睇一篇醫學article..
但係我最後都係放棄左!
點解出面既世界有人可以我唔可以?!

回頭諗諗依家`我既生活可能真係唔可能比我有時間每日一篇article!
早前提及我的心很累很累..
不停鼓勵自己要努力比心機`不停堅持既溫書..
很累很累..
接二連三好多野等緊我去做!時間你可唔可以停一停低等等我依個追唔切你既人?!
原來即使係一個點開心既人`佢都會有心力交瘁既時候..
自問都係個開心既人`
原來我需要既..係比我大喊一場!
生活入面積埋積埋好多令我好疲累既事...可以一次過爆曬出黎!

唉!我仲可以支撐到幾時?
心靈上的疲累比肉體上的疲累更甚!

岩岩收到爸爸既電話`爸爸終於番緊黎啦!
忍唔住喊左出黎..
爸爸你辛苦啦!你無論心靈上同肉體上都一定比我更累..
你為個屋企付出左好多!冇你我點可以咁堅強咁企到今日?!
爸爸!我愛你!