this is how i slept yesterday night..
琴日溫完書都11點幾!溫完書都係訓唔著就自己諗下野..
今朝起身發覺自己竟然仲係張desk到已經非常奇怪..
15年幾黎第一次可以係自己張書桌到訓著左`
發現爸爸今朝比我更加早起身番工`
留低左一張便條「善文要保重身體!請欣賞一下妳睡覺的樣子!」
原來琴晚爸爸發現我訓著左..但係佢冇叫醒我..只係幫我熄左燈`
個一刻好想喊出黎`爸爸多謝你!
你依一張小小既便條比我得到任何野都更有意義!
以前有人會提我訓覺...有人會叫我小心身體唔好病..
有人會比支持我叫我比心機讀書...
但係依家冇啦`咁係唔係標示左我要長大啦?!
我要識得自己好好照顧自己?!
冇人會再係我身邊睇住我?!
我同過自己講i will be okay我就會盡快okay..
但係儘管我幾盡力去okay..儘管我好似幾開心..真心咩?!
今日我真係好失望`一早冇期望咪好囉!
冇期望冇失望丫ma!right?
同埋我唔係已經試過啦咩?!
中三既經驗唔通仲唔夠?!個個都係咁嫁啦...
點解要咁介意丫?!who cares?
放學同apple一齊番屋企`突然係路上見到婆婆..
平時既我已經好興奮好開心!
婆婆係最錫我既人`我亦都好錫婆婆!
我今時今日讀得上書都係因為婆婆`
但係點解今日...我開心左一秒之後..個心咁沉重?
番到屋企我嘗試去開電視打開隔膜`卡通片..我唔係好鐘意睇嫁咩?!
唔係睇親都笑得好開心嫁咩?!點解依家我唔笑嫁?!
婆婆突然拎左封信出黎...我終於真真正正第一次見到封信..
冇人厄我..依個係一個事實`
鐵一般的事實!仲有咩好講?
婆婆唔識字..所以叫我讀封信出黎{媽媽仲未番屋企..}
依一封信係我咁大個女第一封讀唔開口既信..
好難讀..我唔識讀..我亦唔敢去讀出黎..
無奈下慢慢每一隻字每一隻字讀出黎..一邊讀一邊喊..
我真係頂唔順對唔住...我唔係一個強人..我都有感情嫁..
大人既野我應唔應該理?
如果你要我唔好理既話`請唔好比我聽到任何野..
你地要傾!唔該離開依一間屋!出去!出去傾!
我咩都唔想知..有冇人理過我既感受?!
有冇人會了解下我既諗法?!有冇人會關心下我?!
係冇...邊個得閒理妳蘇善文?!
對於家事我比所有野都更加上心`
要我當冇野發生繼續讀書係冇可能...
依家我連任何一樣野都唔敢去諗唔敢去問..
只係想不停地忙忙忙..
忙到唔記得曬所有野..唔洗諗任何野..
係學校就儘管笑個夠本!好嗎?!
唉...我真係好驚...
