20080918

依家我好感慨`依篇會係一篇有感而發既文章

今日5:30p.m.先番到屋企`番到屋企好忙咁做功課做功課做功課`
到依家可以休息一陣`一陣仲要溫默書`
有同學問我做咩成日咁勤力`小息都要做功課`
但係一星期5日入面3至4日都要留係學校`
第時仲話public speaking星期三上堂等等`
如果我唔快快手做功課..番到屋企我相信我會發巔-_-
好感激miss poon既罰抄原來真係可以訓練到我寫字好快`
所以我做功課比較快`依樣係值得感謝既野`

但係我真係好驚自己唔知幾時頂唔住..
番到屋企不停做功課做功課溫書溫書`
要明白依家每一日都有數學..phy chem bio 又唔溫唔得..
我都想好似d天才咁唔溫書就有好成績`但係我知道自己理科其實唔係比人地強
我唔努力d係死緊...
咁樣落去我會唔會死嫁-_-?!
我想像緊自己一番到屋企冇任何既休息冇任何娛樂..
做到夜晚就去訓覺..咁既生活有色彩咩?!
唔通我既生活就只係書本書本同功課?!
每一朝起身其實就係一場戰爭`
你今日仲捱到落去你就可以留低`一旦你放棄`4D唔容得你!
我既耐力又或者我既體力可以支撐到我幾耐?
我有努力過又點?!數學..我真係好驚數學又會好似以前咁失敗..
我可唔可以收番少少成果?!
面對依家所有既野`只係好驚好驚`

仲記得中二入到2D第一次考試`竟然從我口中出現左一句..
「咁比心機溫書又點姐?!我係依班有位企咩?!咪又係佈景板一塊!」
amyter佢同我講`如果我都覺得自己似佈景板`咁其他人點?!
我明白`但係依家同樣既事又發生左..
咁比心機讀書做咩姐?!4D既人咁勁`妳理科又唔係特別強`
單靠中英文妳就得啦咩?!

我唔知`真係擔心`
了解我既人都應該會知道我對自己既要求好高`
身邊冇任何既人比壓力我..
其實所有壓力所以targets都係我自己比自己既`
蘇善文妳既要求究竟要幾高先satisfy到?!
妳會唔會自己害死妳自己?!
所以我依家好珍惜我有得出街玩下既機會..
起碼可以當休息`
再咁落去`我會唔會頂唔順丫?!-_-

雖然依家我仲係比較擔心`亂up左一大堆野請大家見諒!
不過我相信希望在明天!
it will be a brand new day!
may be a whole new world is just waiting for me at the corner of my house!
舒服曬:)