惡夢 + 不快的事-︵-

琴晚我睇左一套戲`令我諗番起一件事
好驚好想喊`但係我控制住自己`
我以高速即刻熄曬電視上床訓`
叫自己唔好諗`
但係始終`心結都未解得開`

投入夢境入面`仍然係令我要喊`
一起身兩行眼淚好似開水喉咁流曬出黎`
發夢自己唔知飲左杯咩水`得番一日命
我冇話比媽媽知`個日同左媽媽去荃灣
日子同平時一樣`但係當然我既心態已經係更加去珍惜`
個日媽媽同我玩到好夜`係搭車番屋企既中途`
我開始透唔到氣`想講野但係講唔到`
媽媽不停問我咩事我答唔到佢`
眼淚一直咁流`最後慢慢斷氣死左`

-_____________-天呀!醒左!
我好驚真係好驚`一起身我從未出過聲
個屋企好靜`媽媽起左身我都冇出聲`
終於都忍唔住啦`我喊住口同媽媽講我依個夢
媽媽攬住我安慰我`話我知依個只係一個夢`
媽媽!我唔怕捱!真係唔怕!
我可以有咁既福氣去養番父母!幾辛苦去捱我都要!
想當年你地都係咁樣樣`我先可以企到今時今日!

跟住我去睇左陣報紙`斷樹事件令到一名19歲既女仔死亡
依個女仔讀緊HKU`佢家姐同爸爸都係做醫生`
家姐見到個妹頭破血流咁入到醫院`作為一個醫生..
佢救盡冇數人既生命`令好多家庭唔洗唔完整`
但係偏偏自己個妹就救唔到`佢係幾咁可嘆`
life is unexpectable`冇人知道聽日會發生咩事`
可能我打完依篇日記一陣出去搵表妹會遇到意外都未定`
我從依一件事同我既夢學會左更加去珍惜`
雖然依家我仲係驚魂未定`但係我會比以前..
更加去珍惜每一日`父母`朋友等等__
thanks god for giving me a new day!