曼谷芭提雅７天自遊行=)

17/8 第一天
一早起身執好行李就出發`12:15起飛但係兩小時前就要去到-__-
係機場食左burger king既早餐=) very nice!
係飛機上面唔知點解想落機- -v`傻左
大約兩小時十二分鐘就到左泰國嚕`
泰國時間一點三十分左右到達{有時差=)}
點知仲要坐兩小時車去pattaya-___-
係機場到搵我地個司機都搵死-___-`
不過架車真係好掂`十人車去車三個人x)!
到左pattaya check in 「Aiyara Palace」=)
settle好之後就出左去mike plaza 同附近旺區行街`好開心丫真係x)
係泰國消費真係好抵`一百蚊對四百二十一蚊泰元左右-__-
佢地adi`nike`puma`levi's`既專門店既野仲要比香港平!!!
所以soso係levi's到買左條牛仔褲`$389左右炸-__-
nike既袋都係$200-_____-不過唔買嚕`
食埋個spicy晚飯就行下d beer bar!
真係好嘔心 - -...d人妖可唔可以唔好摸我個頭- -?!?!
見親比較好樣少少既都係人妖來的-v-"
不過成條酒吧街的確好旺=)
買左生果番酒店食x)!

18/8 第二天
早上在天台游水x)`好舒服丫媽咪!!!!
同藍天一齊游左兩個鐘水`=)
爸媽曬到紅曬但係我冇事-v-`黑左小小掛=)
跟住去Big-C行街街`比媽媽捉我去買....-__-
我知道係好平好舒服仲好出名..但係都唔洗咁下Ma`-__-
尷尬死-____-
我記得我食左一杯好好味既雪糕x)))))!!!!
超級香濃既朱古力味!!!!!+﹏+
番酒店休息左一陣就去食飯`德國菜丫!超好味x)
跟住去左walking street`walking street可以話係香港既砵蘭街`
唔鐘意依個地方`太多色情既野-___-`
好多著得好暴露既女性-____-`不過當見識下啦
行完就番酒店嚕=)

19/8 第三天
今朝呢`食左個buffet breakfast就去outlet mall到行街街
ourlet mall係好大型既賣衫地方`價錢相對地係平好多
點平法?!Nike Adi袋係香港起碼三四百`依到百幾蚊就買到嚕`
Polo一件係香港最平都$400左右`依到二百蚊都有-__-仲唔係假野!!!
係真定假既polo我一定會知!x)
所以係outlet依到買左好多野`
nike袋*1`polo shirts*6`褲*2`抵死-v-"!!!!!
超開心我有一件真真正正既polo shirt x)!Brilliant!
跟住又去左Avenue到行下`不過冇咩好行- -"
行到攰攰地就番酒店`同爸爸又上天台游水x)!!!!!
水力按摩仲要包池`好正-﹏-
夜晚節目就正嚕`
食完個飯8:30睇人妖show-,-`
人妖就見得多`show就真係未睇過!
我覺得佢地好認真製作`著d衫超級華麗`
真係好難相信前面既女人竟然係男人來的-﹏-
睇完之後同人妖影相-,-...影完同佢傾左兩句
佢答得好man 丫XD我有d驚!
afterward哈哈哈去打snooker!!!
我真係好鐘意snooker依樣運動`今次打左兩個鐘
無論係命中率同姿勢都有板有眼嚕x)
我會打好d snooker第時同爸爸打過\__/!
打到一點鐘先番酒店-__-"

20/8 第四天
第四日我地搭車黎到BKK`曼谷比我第一個印像係好busy-__-
周圍好多車`仲要塞車-__-`
去到Tivoli Hotel check in`okay丫間酒店`
swimming pool都係天台x)!
跟住我地已經好急不及待地去siam paragon!
我等左兩年啦!!siam paragon我終於都黎到啦!
入面food court既野好好食丫!跟住就行下啦`
siam paragon就好似又一城咁`賣brand names為主`
入面有間好大既精品店`兩層樓高丫!
超好睇!=)
跟住去siam center`cons我來也!yeahhhhhhh`
真係得泰國先有既cons`係香港見都未見過`開心死x)
爸爸媽媽好好人丫x)買左兩對比我!
每對都係$216左右`好開心丫!x)!!yeahhhh!
又行下MBK`MBK好多假野=P
不過就好大間`行左好耐`
dinner食上海菜`唔知係唔係肚餓呢?!我覺得好好食=)`
跟住番酒店休息嚕`

21/8 第五天
half-day tour`先去左鄭和廟`好多鄭和丫!
{哈哈好廢話`}
跟住去左水上市埸`好有特色`你坐係船上面d人會坐住其他船過黎sell你-v-
仲有得餵魚丫!d魚條條都咁肥-,-`食曬我d包包`
下午番酒店游水```再出番去行night bazaar`
night bazaar風味仍然冇咩點變`好有Thai風情=)
跟住dinner去唐人街食shark fin x)!
一人一煲shark fin`跟住仲要食bird nest既糖水``
係香港邊有可能食得咁豪-,-`
但係d shark fin真係好好味嫁!下次一定要再食x)
一路行唐人街一路食=P`自覺好似一隻肥豬-v-`
行多一陣night bazaar就番酒店啦=)

22/8 第六天
today is a very sunny day`我地去左JJ Mall`
好舒服嫁依到`好涼既冷氣又唔多人喎`
賣既野又會平d=)`enjoyable!
仲有仲有!d雪糕好好味x)!
大家都有所收獲`大約四點左右先走`
跟住去左隔黎既chatuchak`好熱丫-___-"
買左個袋比婆婆=)
番到siam`去discovery食janpanese buffet dinner=)`
除左飽同好味之外`冇咩可以形容到x)
$180食咁多野真係抵死-v-`但係又自覺肥到好似豬- -"
行左陣MBK就番酒店`一家人一齊睇predator!!
好warm丫咁樣樣=)

23/8 第七天
游游下水`突然話有兩班機十點同一點番香港
30分鐘後司機係酒店樓下接我地`
-___________________________________-"
30分鐘?!?!我都未試過做野咁快嫁- -
就係因為一隻雀-_-`搞到hk打9號波-_-`
跟住搞到好想番hk既soso冇曬心機-_-`
跟住本身搭7:20p.m.要delay到01:15a.m.都仲未confirm丫-_-
我打緊依一大篇日記其實係因為我已經等左4個鐘啦係機場-_-
依家係泰國時間11:20p.m.`唉`
soso幾時番得香港`好掛住香港-___-`
所以今日其實係冇咩點做過野行過街-____-`
只係等_______唉`

{soso於泰國時間11:25p.m.係泰國機場coffee shop寫下依篇日記`-_-}