中二中三後感=]

你準備好紙巾未呀?
{ 如果你係3Ders，我諗你最好拎定紙巾`要tempo喎=P!｝

琴日係中三最後一個上課天，我終於明白到．．．
原來我地班始終選擇左係開心既氣氛下完結中三既學涯。
我地都明白到3D既感情係大家心入面，
就算升上中四唔同班，我地亦係好朋友。
就等我借依個小小既機會留番少少回憶比大家吧=]！

3D好開心好活潑
有arnold, tiger同marco佢地既存在，的確為我地增添唔少既快樂。
一位讀書人或者一班讀書比較好少少既班，
並唔等於死讀書同埋沉悶，只係書蟲一條條。
我地班上堂總可以同老師打成一片，笑聲連連。
中三開始我地班鐘意「無故起哄」，
無論老師講咩，我地班都總會拍曬手掌大叫「好！」
雖然連自己都唔知好咩，但係我地都會「好好好好好！」
梁Sir{Maths}同王Sir{Epa}兩位老師都比我地既「熱情」所嚇倒，
每一次見到大家團結一致咁叫好，我總會忍唔住笑左出黎。
坐第一個位睇番你地後面每個人面上既笑容，我都好開心。
加上Miss Poon上堂成日讚自己靚，
Angel `fine-looking` glamorous` smell beauty` charming
No matter how beautiful miss poon is, 3D girls don’t like her.
哈哈，大家都會忍唔住笑呢！
從中二開始我睇住大家既反應從係咁笑，
到左依家既無奈，好似已經冇咩感覺咁。
人地話當一個大話講左100次之後我地就會覺得佢係一個事實，
我諗我地班已經覺得Miss Poon妳靚到跳起啦！right？
Angel poon係miss Poon既尊稱呢！

3D好團結
Sports day 唔多講，班際長跑亦講過。
康哥４*１整親隻手我地全班都記低鼓勵既句子，
經Ben So搞兩搞之後仲做左個ppt。
我地班可以為左一位同學做個powerpoint出黎真係好難得。
我亦好深刻有一個星期我地班比多位老師話，
話我地班比上年差．．退步。
又話我地班唔係老師佢地聽番黎咁勁咁乖，
Miss Chan 用我地班同3A比．．
Miss Young用我地班同3B比．．
就連Mr.Chan{C.L.}都要搵我地班同3A比．．
個星期我地班真係好灰，好Down。
連我都好傷心，諗緊老師講既野其實係唔係真既。
So what my lovely 3Ders！
我記得個時大家竟然變得好團結！要話比所有老師聽我地唔係！
我地唔係曳左！冇！絕對冇！
我地班冇退步！唔好用我地班同隔黎班比！
唔好用我地班同隔黎班比丫！
仲記唔記得丫？
秩序比賽同樣一樣，我係中二同中三學期初既女班長。
秩序比賽中除左我緊張，見到大家都好著緊，樣樣都要做好。
人地可能覺得我地班好傻．．點解少少既秩序比賽都要咁緊張。
但係我地班唔同，我地就係咁傻。

3D好有人情味
Piu piu佢可能同唔到我地一齊升中四，相信大家都心中有數。
但係我地仲會鼓勵佢支持佢！寫卡送比佢！唔會放棄佢！
Piu piu係Msg Box都寫下「我愛３Ｄ」既宣言呢！
而羊羊有一段時間好唔開心唔太舒服，
係我地班竟然出現３８人{羊羊piu除外}一齊為佢Pray既情況，仲會寫卡。
果個場面真係好難忘丫！
而班旅兩年黎我地都會叫埋老師一齊去，
高Sir都會話我地班係最有人情味既一班。

３Ｄ好大壓力
咩話？！抄「８８８次」？
正是，錯一句If conditional sentence中二既時候要抄「８８８次」
咩話？！Ｏｘｆｏｒｄ兩次？
係丫，冇帶野抄書囉！
「624約定你啦!」miss Poon一句好似投票日既口號，
因為六月二十四日大家要齊齊交罰抄Ma。
雖然要抄，但係我地可能已經冇曬感覺，仲識講笑。
而且係3D你唔比多小小心機讀書，會死得好慘。
壓力低下的確可以逼使我地班爆左部份潛能出黎，
正正因為咁，係Miss Poon既領導下我地班既英文水平都唔錯。
算係全級比較好既一班，我都為3D感到自豪！

３Ｄ好學術
Lunch 或者朝早你一定會見到我地班有人溫書或者做功課。
我曾經聽過隔黎班某同學講「哇！3D傻嫁！人人係到做功課既？」
唔知道呢．．又好似有少少傻．．
每星期放學後總會有唔同組搞唔同科目既Study Group，
成日都會見到ben so..amyter msg box寫住好學術既字眼。
「Study group A組明天放學第三次聚會，科目：Chem」
我鐘意！係依到要多謝徐霖同Ben So既功勞。
我自己亦好鐘意跟住敏怡同Oboe講下數學，講下理科既野。
多謝妳地令我明白左咁多野！
我地做所有野都要Educational！

３Ｄ既同學同老師好多謝你地為我帶黎兩年咁美好既回憶，
係我人生入面有你地既加入係好開心嫁。
係依到我想多謝Miss Poon，
係妳令我明白出面世界既人有幾咁勁，我先會自己去搵書睇搵course 上。
係妳鼓勵我要「吃得苦中苦，方為人上人。」
係妳令我英文有所進步，
因為每一日既CA先令我認識更多vocab，
因為每一日News先令我依家睇書睇得咁快，
係妳叫我睇Marie Curie本傳記啟發左我。
「To learn is to change, education is a process that changes the learner」
我改變左，真係改變左。
中三開始我發奮日日都溫書！因為我要做醫生！
我答應你就算中四唔係Miss Poon妳教，我都盡可能每日睇CA同News。

我要多謝瓊文羊羊，
妳地兩個人仔係我兩年黎既好朋友。
我地三個經歷過開心，又經歷過挫敗同傷心。
但係我地三個到依一刻都仲係齊齊整整！
容Soso係依到多謝妳地兩個好-朋-友！

仲有妳丫Amyter！係妳丫！
「君子之交淡如水」我同妳三年黎既友情都唔錯，
唔係咩深交，唔算係咩知己。
但係我地一齊既時候都會過得好快樂。
我係妳身邊感覺好似一個妹妹，妳諗野好成熟。
我成日唔開心想喊既時候總會想同妳講，
因為我真係可以冇保留地講曬出黎，發洩出黎。
係妳係我身邊關心我同聽我訴苦．．．
Amyter我好開心可以五年都會同妳同班，
答應我一定要比心機！我地兩個一定要支持住！

講到依到．．我已經再講唔到落去．．
心情太複雜唔可以所有野都記低曬，
但係２Ｄ同３Ｄ永遠都會係我人生好美麗既兩頁！
希望大家中四就算唔同班，都要好似依兩年咁努力。
搵到自己既目標，向住佢進發！