有感而發的一篇文章=P*

依家聽緊stay a while 呀羊羊!一路聽住聽住..一路諗下我係學校既生活..

我實在覺得miss Poon改變到我,miss Poon每日既道德小講「inspire me to succeed in life」!我覺得老師講既說話好有道理,有時候到左一D十字路口,記得起miss Poon既道德理論,我可以完完全全聽曬天使既說話呢=)*

miss Poon曾經講過幾樣野係令我好深刻的..

首先,人永遠都有天使個面都魔鬼個面,天使present既時候,要提醒自己要控制住個魔鬼,唔好令自己有魔念*魔鬼既聲音好大,往往強烈過天使溫柔既聲音,我地一定要聽天使既說話!每一個人都有自己魔鬼既一面,講真..你有妳有我有大家都有!曾幾何時,我都諗過放棄溫書,曾幾何時,我都覺得父母好煩,但係我依家學識左聽天使既聲音!特別係我發火既時候,有時候火要黎,控制唔到...但係miss Poon對個女都得囉,點解我唔得呢?!我依家都開始改善,時刻同自己講「天使哦天使哦!」我就可以冷靜落黎..=)我會好好記住魔鬼同天使的道理!

再一個就係「狗把功課吃掉了」既故事,人永遠一出發個下點都係覺得人地唔岩人地唔著,點解你要咁樣姐?!你唔咁樣我就唔會咁樣啦!最衰都係你啦!人就係咁嫁啦,會係第一個moment承認自己既錯誤嗎?!我都唔得...但係依家miss Poon教我地講完人地唔岩唔著,會去反省下自己,企起人地個邊幫人諗下!我亦真係試過,瓊文羊羊知道嗎?=)*

「living without an aim is like sailing without a compass」Alexandre Dumas又記得嗎3D?!相信大家都識背啦!我有我自己既aim,有目標有理想,我要努力做好,咁樣先可以向我既理想踏進一大步!miss Poon曾經講過「我相信在坐第時好多醫生,好多律師,好多老師既!」依一句說話我特別深刻,我真係希望自己可以做到,F.3啦...立目標要嫁啦!你地又有目標未呀?=)*miss Poon亦講過做醫生要睇好多書,事事發問,但係數學唔洗好叻,我一定要加油!破格收錄唔一定係跳曬班,可能係你會考得6A,中大港大唔多睇得起,但係你in既時候,比個教授見到你個一份熱誠同用功,破格收錄就落係你身上啦!!雖然我覺得自己冇可能有10A9A8A,但係我依家都要努力,如果唔係第時連interview 既機會都冇...大家都要向住自己既目標進發!

今日我都唔知自己點解會咁感慨,我都唔知道自己咩事會打篇咁既日記...但係希望大家同心一齊努力!無論你係唔係3D,都一齊加油呀!=)*